Cagayan de Oro City - MGA SAKOP SA PRENSA MISALMOT SA MENTAL HEALTH SEMINAR ALANG SA PAGHATUD OG BALITA
NAGTAMBAYAYONG ang City Social Welfare and Development Department-Psychosocial Unit ug City Information Office sa pagpahigayun og seminar sa pinakaunang higayun alang sa media practitioners kalabot sa papel. . .
NAGTAMBAYAYONG ang City Social Welfare and Development Department-Psychosocial Unit ug City Information Office sa pagpahigayun og seminar sa pinakaunang higayun alang sa media practitioners kalabot sa papel sa media sa mental health, adlaw’ng Miyerkules, Hulyo 15, diha sa Cronin Hall, ning siyudad. Atol sa maong seminar, gipahinumdoman ni Acting City Information Officer Jade Adeser ang media practitioners sa bili sa “responsible reporting” sa matag hatud sa balita ilabina kalabot sa suicide incident. Gihisgutan usab si CSWD Psychosocial Unit Head Rio Rosal Baliling sa maong seminar ang role sa media sa mental health. Gawas niini, iya gikumusta ang media ug gihatagan og tips aron maatiman ilang mental health taliwala sa ka-busy ug panagsa traumatic experience nga masinati sa ilang trabaho sama sa pagkakita og suicide incident. Tumong sa maong kalihokan ang pag-mugna og partnership sa LGU-CDO tali sa media practitioners ingon man sila ang nag-unang “source of information” sa katawhan ug malikayan ang insidente diin maka-post ang media practioners og article/video nga maka-trauma sa mga katawhan nga aduna’y sa mental health concerns. Gawas sa media practitioners, misalmot usab ang mga representante sa student publications ug vloggers. Mitambong usab sa kalihokan sila si Committee on Health Chairperson City Councilor Dr. Paolo Gaane ug Committee on Women and Family Relations Chairperson Chairperson City Councilor Des Dahino kinsa mirepresentar ni Mayor Klarex Uy. Ang CSWD Psychosocial Unit pinangulohan ni CSWD Psychosocial Division Rio Rosal Baliling ug City Information Office pinangulohan si Acting City Information Officer Jade Adeser padayun nag-bantay sa mental health sa mga katawhan pinaagi sa paghingusog sa adbokasiya sa “responsible reporting. ” (NLB/CIO/photos by Iren Fuentes/CIO)